Besøk oss
Vegen hit
Gardsbutikken ligg i Tyinvegen 960.
Velkomen til Valdres vilt!
Hjå oss finn du ekte smakar frå naturen. Vi sel og foredlar fyrsteklasses viltkjøt direkte frå fjell og skog.
Butikken finn du i ein del av hovudhuset på garden. I tillegg kan du nyte synet av det gamle tunet som tek deg med attende i tid og gje deg eit innblikk i gamal tradisjon og kultur. Kom og nyt atmosfæra, spør oss gjerne om handverket vårt, og få ein smakebit av nokre av våre nydelege produkt.
Velkomen til ei ekte Valdresoppleving!
Valdres Vilt ligg 10 minutt frå Fagernes, på veg til Tyinkrysset, langs E-16 i vakre Ulnes.
Adresse: Tyinvegen 960
Finn fram
Eg kjøyrer frå..
Tid
Med kollektivt
om ein reiser frå Fagernesbrue med buss 138, kan ein besøke oss ved busstopp Gøe Ulnes.
Vi er ei lita familiebedrift i Ulnes i Valdres, som tek hand om kjøt frå eigen jakt. Her på garden har det vore tradisjonell drift med dyr og mjølkeproduksjon. Og hausten har vore jakt og sanketid.
No er det elg-, hjort- og rådyrjakt som er bakgrunn for resten av drifta vår.
Jakttradisjonar går mange hundre år tilbake i tid, og vi synest det er viktig å ta vare på viltet frå skog til bord. Gleda over jakta er ein ting, men det å kunne ta seg av kjøtet etterpå er like viktig. Kjøtet skal mørne på rette måten, det skal skjerast og pakkast godt, og gjerne foredlast vidare.
Alt dette er vi opptekne av og interesserte i, og tanken på å gjere dette til levebrødet vårt kom lett då gardsdrifta endra seg.
Dermed laga vi ei lita nedskjerings- og foredlingsbedrift, baser på viltkjøt. Valdres Vilt kom naturleg opp som logo, og ein liten gardsbutikk såg også dagens lys.
Det er viktig for oss at du som forbrukar får ei så god matoppleving som muleg. Dette sikrar vi ved god handtering av kjøtet heile vegen frå skogen til steikeklar biff.
Vi følgjer mørningsprossessen kvar dag og prøvesmakar kvart dyr før deling og pakking. Vi foredlar også noko av kjøtet til karbonader, pølser og spekepølser. Mykje av elgkjøtet saltar og turkar vi til spekekjøt, og noko av dette røyker vi også.
Spekemattradisjonane er mange og lange i Valdres, og dei to stabbura våre er godt nytta på vinter og vår. Her heng pinnekjøtet frå hausten og til jul, og sidan spekepølsene frå nyttår til gauken gjel på våren.
